विनियोगः ॐ अस्य श्रीकालिकाकवचस्य भैरव ऋषिः, उष्णिक् छन्दः, श्रीदक्षिणकालिका देवता, ह्रीं बीजं, हूं शक्तिः, क्रीं कीलकं, ममाभीष्टसिद्धर्थे सर्वाभीष्टसाधने पाठे विनियोगः। ऋष्यादिन्यासः ॐ भैरवऋषये नमः शिरसि। उष्णिक्छन्दसे नमः मुखे। श्रीदक्षिणकालिकादेवतायै नमः हृदि। ह्रीं बीजाय नमः गुह्ये। हूं शक्तये नमः पादयोः। क्रीं कीलकाय नमः नाभौ। विनियोगाय नमः सर्वाङ्गे। ध्यानम् ध्यायेत् कालीं महामायां त्रिनेत्रां बहुरूपिणीम्। चतुर्भुजां ललज्जिह्वां पूर्णचन्द्रनिभाननाम्॥ नीलोत्पलदलश्यामां शत्रुसङ्घविदारिणीम्। नरमुण्डं तथा खड्गं कमलं च वरं तथा॥ निर्भयां रक्तवदनां दंष्ट्रालीघोररूपिणीम्। साट्टहासाननां देवी सर्वदा च दिगम्बरीम्॥ शवासनस्थितां कालीं मुण्डमालाविभूषिताम्। इति ध्यात्वा महाकालीं ततस्तु कवचं पठेत्॥ अथ कवचम् भैरव उवाच कालिका घोररूपा सर्वकामप्रदा शुभा। सर्वदेवस्तुता देवी शत्रुनाशं करोतु मे॥ ह्रीं ह्रीं स्वरूपिणी चैव ह्रीं ह्रीं ह्रीं रूपिणी तथा। ह्रीं ह्रीं क्षों क्षौं स्वरूपा सा सदा शत्रून् विदारयेत्॥ श्रीं ह्रीं ऐं रूपिणी देवी भवबन्धविमोचिनी। हुं रूपिणी महाकाली रक्षास्मान् देवि सर्वदा॥ यया शुम्भो हतो दैत्यो निशुम्भश्च महासुरः। वैरिनाशाय वन्दे तां कालिकां शङ्करप्रियाम्॥ ब्रह्मी शैवी वैष्णवी च वाराही नारसिंहिका। कौमार्यैन्द्री च चामुण्डा खादन्तु मम विद्विषः॥ सुरेश्वरी घोररूपा चण्डमुण्डविनाशिनी। मुण्डमालावृताङ्गी च सर्वतः पातु मां सदा॥ ह्रीं ह्रीं कालिके घोरदंष्ट्रे रुधिरप्रिये। रुधिरपूर्णवक्त्रे च रुधिरावृतस्तनि॥ मम शत्रून् खादय खादय हिंसय हिंसय मारय मारय। भिन्धि भिन्धि छिन्धि छिन्धि उच्चाटय उच्चाटय॥ द्रावय द्रावय शोषय शोषय स्वाहा। ह्रीं ह्रीं कालिकायै मम शत्रून् समर्पयामि स्वाहा॥ ॐ जय जय किरि किरि किटि किटि कट कट मर्दय मर्दय। मोहयय मोहय पद्मवासिन्यै कालिकायै नमः॥ शिरो मे कालिका पातु क्रींकारैकाक्षरी परा। क्रीं क्रीं क्रीं मे ललाटं च कालिका खड्गधारिणी॥ हूं हूं पातु नेत्रयुग्मं ह्रीं ह्रीं पातु श्रुती मम। दक्षिणकालिका पातु घ्राणयुग्मं महेश्वरी॥ क्रीं क्रीं क्रीं रसनां पातु हूं हूं पातु कपोलकम्। वदनं सकलं पातु ह्रीं ह्रीं स्वाहास्वरूपिणी॥ द्वाविंशत्यक्षरी स्कन्धौ महाविद्या सुखप्रदा। खड्गमुण्डधरा काली सर्वाङ्गं अभितोऽवतु॥ क्रीं हूं ह्रीं त्र्यक्षरी पातु चामुण्डा हृदयं मम। ऐं हूं ॐ ऐं स्तनद्वन्द्वं महात्रिपुरसुन्दरी॥ अष्टाक्षरी महाविद्या भुजौ पातु सकर्तृका। क्रीं क्रीं हूं हूं ह्रीं ह्रीं षडक्षरी करौ मम॥ क्रीं नाभिं मध्यदेशं च दक्षिणा कालिकावतु। क्रीं स्वाहा पातु पृष्ठं च कालिका सा दशाक्षरी॥ ह्रीं क्रीं दक्षिणकालिके हूं ह्रीं पातु कटिद्वयम्। काली दशाक्षरी विद्या स्वाहा पातु ध्वजद्वयम्॥ ह्रीं क्रीं दक्षिणकालिके हूं ह्रीं स्वाहा परमेश्वरी। शुक्रं गुह्यं सदा पातु चतुर्दशाक्षरी मम॥ ह्रीं क्रीं दक्षिणकालिके हूं ह्रीं स्वाहा स्वरूपिणी। ऊरुद्वयं सदा पातु विद्या पञ्चदशाक्षरी॥ क्रीं ह्रीं ह्रीं पातु गुल्फं च दक्षिणकालिकाऽवतु। क्रीं हूं ह्रीं स्वाहा पदं पातु चतुर्दशाक्षरी मम॥ खड्गमुण्डधरा काली वरदाभयधारिणी। विद्याभिः सकलाभिः सा सर्वाङ्गमभितोऽवतु॥ फलश्रुतिः इति ते कथितं दिव्यं कवचं परमाद्भुतम्। यः पठेत् प्रातरुत्थाय शुचिः प्रयतमानसः॥ स भवेत् सर्वसिद्धीशः सर्वत्र विजयी भवेत्। यस्याः प्रसादादीशोऽहं त्रैलोक्यविजयी प्रभुः॥ धनाधिपः कुबेरोऽपि सुरेशोऽभूच्छचीपतिः। एवं हि सकला देवाः सर्वसिद्धीश्वराः प्रिये॥ न देयं परशिष्येभ्यो ह्यभक्तेभ्यो विशेषतः। शिष्येभ्यो भक्तियुक्तेभ्यो ह्यन्यथा मृत्युमाप्नुयात्॥ इदं कवचमज्ञात्वा यो जपेत् कालीदक्षिणाम्। शतलक्षं प्रजप्तोऽपि तस्य विद्या न सिध्यति॥ ॥ इति श्री रुद्रयामले भैरवभैरवीसंवादे दक्षिणकालिकाकवचं सम्पूर्णम् ॥